page view image

Dreamliners på Statsraaden

EVENT INFORMATION
event image

Tradisjonen tru har vi den største glede å invitere the Dreamliners attende til Statsraaden bar! Den legendariske juleplata “A christmas gift for you from Phil Spector” blir framført i si heilhet, julestemninga er sikra! 

Klubb Barracuda spelar plater før og etter konserten, sveitt dansbar soul, rhytm&blues, popcorn frå sekstitalet, samt ein og anna julesong for å vedlikehalde den gode julestemninga! 

Konsertstart kl 21:00
Julestemning fra kl 20:00

Den legendariske juleplata “A christmas gift for you from Phil Spector” kom på marknaden i 1963, på same dag som president J.F.K. vart skoten. Det seier seg sjølv at den ikkje vart nokon umiddelbar suksess. 

Likevel har du høyrd låtane frå denne plata før, gong på gong, i filmar, på radioen, eller ein eller annan plass i bakgrunnen medan du slit med å få tak i akevittglaset mellom alle ribbebitane. Plata har vakse til å bli ein gedigen musikalsk klassikar, trass i ein noko trong fødsel, og inneheld dei mest kjende amerikanske julesongane med artistar som the Ronettes, the Crystals og Darlene Love, ikledd den karakteristiske "Wall of Sound-produksjonen til, allereie då, smått ustabile Phil Spector. 

No sit han inne for drap, men denne kvelden tek The Dreamliners med venner deg med attende til dei glade 60-åra. “A christmas gift for you from Phil Spector” frå start til slutt, med blåserekke, kordamer og energisk komp. Glitrande pynt, glitrande kostymer og glitrande musikarar gjer denne kvelden til den beste juleoppladinga! 

Eit forrykande juleshow du seint vil gløyme.

 

The Dreamliners er:

Tonje Tafjord - Vokal, fløyte og klokkespel
Gudmund Bolstad Skjær - Gitar
Amund Stokke - Bass
Are Rosseland - Trommer

 

Med gjestar:
Martin Skei - Saksofon
Ingrid Løhre Hunnestad - Vokal og perkusjo

-- 

Back to Beat Records | Facebook
Back to Beat Records | Instagram

Back To Beat Records | Discogs
Back to Beat Records | Bandcamp.com
Back to Beat Records | Spotify (complete discography)


Restrictions

20 års aldersgrense

Waiver

Kjøpte billetter refunderes ikke