Jodie Jean Marston & Cecilie Anna

Jodie Jean Marston er ein prisvinnande artist som gjennom tretti år har turnert USA med ulike band, m.a Bonnie Prince Billy og Anomanon. Jodie Jean er vaksen opp ved foten av fjella i Sierra Nevada, California. Folk, bluegrass og country sit i ryggmargen hennar når ho lagar sin nydelege indie folk musikk. Stemma og låtskrivinga til Jodie Jean vever fram naturen sine flyktige augneblink. Marston, ei «kosmisk cowgirl», ber fram ei intim og jordnær stemme som malar fram nye bilder langs gamle linjer med sjel og tolmod.

Artist og låtskrivar Cecilie Anna kjem frå Stord i Vestland og har gjeve ut tre kritikarroste plater. I år kjem «Hommage County», ei samling låtar som Cecilie Anna har laga til andre artistar sine stemmer. Det musikalske uttrykket til Cecilie Anna blir langt på veg definert av stemmene ho lagar songar til, og referansar går frå Joni Mitchell, Mimi Parker (Low), Fats Domino og Leonard Cohen. Til si eiga stemme skriv Cecilie Anna stort sett rolege låtar beskrive som lågmælt og ufatteleg vakkert.